Shoresh Mahmoudi - Nezêrî/نەزێری

#KomMüzik Navenda Muzîka Kurdî / Kürtçe Müziğin Adresi

Albuma “Lerzane”yê pêngavek e ji bo zindîhiştin û vejandina beşek ji muzîka herêma Mukriyan’ê ku bi pirranî ji bend û stranên dawet û govend û kevneşopîyên resen ên vê heremê pêk tê.

Mukriyan herêmeka Kurdistanê ye ku ji başûrê Gola Urmiye’yê dest pê dike û li gorî nivîsên dîrokî û taybetmendîyên hevpar ên niştecihên wê, bajarên Şino, Nexede, Miyanduwaw, Xanê, Mehabad, Bokan, Sayîn Qela, Tikab, Serdeşt û der û dorên wan û beşeka biçûk ji bajarên Urmiye, Seqiz û Bane di xwe de dihewîne.

Niştecihên vê herêmê bi devoka Mukriyanî ji zaravayê Kurdîya Navendî diaxivin. Ev herêm û devoka Mukriyanî xwedî wêje û folkloreka dewlemend e û hejmarek zêde hunermend, wêjevan û kesayetên Kurd ên navdar li wê derê dijîn û jîyane.

Cureyên govendê ku li Mukriyanê tên lîstin bi pirranî Royne, Daxe, Çepî û Sêpêyî ne. Royne zêdetir li deşta Şarwêran û devera Çemê Mecîdxanê tê lîstin û muzîka wê li ser rîtma 4/4’an û bi leza 80-85 bpm’yê tê jenîn. Govanda Daxe’yê zêdetir li Mehabadê û derdora wê tê dîtin û stranên wê jî li ser rîtma 6/8’an û bi leza 120 bpm’yê tên pêşkêşkirin. Çepî û Sêpêyî li ser rîtmên 2/4 û 6/8’an û bi leza 125-135’an tên lîstin.

Di vê şêwazê de çend amûrên muzîkê yên wekî Zerb, Dûzele, Naye (mey) û di demên dawî de Şimşal bi bendbêjê re rêhevaltîyê dikin. Di dawîyê de Dahol û Zirne wekî du amûrên din ên folklorê rola xwe lîstine û di pêkhatina vê berhemê de beşdar bûne.

Her weha, amûrên bi kevan bêyî ku ji resenîya berhemê bixwin ji bo piştevanîya muzîkê hatine bikaranîn.

Nezêrî/نەزێری

نەزێری گوڵم نەزێری
دەلەلا لێ لێ نەزێری
خۆم دەبم بە شوانکارە
تۆ ببە بە شەنگەبێری
تاقە ماچێکم دەیە
سەتی نەوەد لە خێری

هەرچۆنی دەڵێم وایە
دەکەم مەدح و سەنایە
تەپڵ و تووزەلە و نایە
لێ دەدرێ لە سەحرایە
دێت و بەناز ڕادەبڕێ
مانگە دەگرێ پەنایە
خەڵک گشت دادەمێنێ
جوانیێکەت بێهاوتایە

نەزێری...

لەوەتی عومری خۆمە
قەت جوانی وام نەدیوە
دەتوانم سوێندت بۆ بخۆم
دەگەڵ بەفرێ باریوە
تیری نیگای دوو چاوی
جەرگ و دڵمی بڕیوە
شێت و شەیدای خۆی کردووم
چەن جوانە ئەو کچەتیوە

نەزێری...

لەباتی تاقە جارێ
سەد جاری دەبەر دەمرم
گەر بە بەر چاومدا دێ
لەژێڵڵا تێی دەفکرم
ئەوەندەی چاو لێ دەکەم
هیچ عەیبێکی لێ ناگرم
لە خودای دەپاڕێمەوە
تێر تێر لە باوەشی گرم

نەزێری...

Hun dikarin bibin aboneyê kenala me û piştgrî bidin me / Kanalımıza abone olarak ve dinlediğiniz eseri beğenerek destek olabilirsiniz / بۆ پشتگری کردن لە ئێمە دەتوانن لە کاناڵەکەمان دا خۆتان ئابونە بکەن

Ji bo hûn zêdetir mûzîkan gûhdar bikin, bibin endamê qenala me / Daha fazlası için kanalımıza Abone Olunuz : https://bit.ly/2kEQVxs بۆ بیستنی موزیکی زۆرتر تکایە ئابونە ببن.

Navnîşanên Kom Mûzîkê Yên Torên Civakî / Kom Müzik Sosyal Medya Adresleri / ناونیشانی تۆرە کۆمەڵایەتییەکانی کۆم موزیک;

Facebook: https://bit.ly/2LZkbKv
Instagram: https://bit.ly/2wOeOch
Twitter:https://bit.ly/2wH9vKV